Aktori i famshëm turk Kivanç Tatlitug u dërgua në spital me shenja të koronavirusit. Ai tregoi se kishte temperaturë të lartë dhe kollë.
Në mometin që shkoi në spital aktori dhe modeli i njohur bëri testin e COVID-19.
Nëpërmjet një postimi në rrjetet sociale ai tregoi rezultatet e testit duke thënë se rezultoi negativ.
“Në spital erdha me ankesën për temperaturë të lartë dhe kollë dhe aty pas ekzaminimeve, pneumonia u zbulua në një zonë të vogël të mushkërive. Unë fillova mjekimin dhe sot mësova se rezultati im i testit Covid-19 ishte negativ,”- shkroi ai.
Kivanç uroi të gjithë pacientët e prekur nga koronavirusi.
“I uroj shërim të gjithë pacientëve, veçanërisht ata që luftojnë me Covid-19. Lutjet tona janë me ju. Unë jam mirë. Faleminderit për vëmendjen tuaj,”- shtoi ai.
