Këngëtarja Rita Ora reagoi pasi mbajti premtimin për ndërtimin e një banese për një nga familjet e prekura nga tërmeti i 26 nëntorit.
Ditën e enjte familja Sula në Pinar të Tiranës mori çelësat e banesës së re, ndërtimi i së cilës u financua nga Rita.
Duke falënderuar përkrahësit që bënë të mundur këtë realitet, këngëtarja publikoi fotot e kryebashkiakut Erion Veliaj.
“Shtëpitë që ndërtova me skuadrën më në fund po vijnë në jetë. Ju falënderoj të gjithëve që ndihmuat për ta bërë këtë një realitet,”- shkroi ajo.
Ishte Veliaj ai që u dha çelësat e banesës së re familjes Sula që përbëhet nga 6 anëtarë. Ndërsa falënderoi Ritën për ndihmën e saj.
