Nertil Shehu arrestuar gushtin e këtij viti si i dyshuar për trafikimi gomonesh ka dalë sot para Gjykatës së Krimeve të Rënda ku u njoh me ndryshimet e prokurorisë.
Vlonjati, u la në burg pasi rezulton i përfshirë edhe në trafikun e ngelur në tentativë të 1.3 tonëve hashash, një ngarkesë kjo që u bllokua në Kavajë në muajin korrik.
Shenjat e gishtave të konstatuar në skafin që do të transportonte 1.3 ton hashash zbuluan se Nertil Shehu mund të ketë qenë në rolin e skafistit dhe se ia ka dalë mbanë ti shpëtonte policisë për një muaj.
Ndërkohë që më herët si skafist i të njëjtit rrjet është lënë nën arrest me burg edhe Skerdi Sina.
Ngarkesa e drogës u zbulua nga një postbllok policie në Kavajë ndërkohë që ranë në pranga edhe transportuesit si dhe u bllokuan dy automjete.
Mes të arrestuarve ishin dhe Aristotel Kasaj dhe Arvis Muça, të cilët kishin shitur makinën tek një i kërkuar që nuk pranonte të përpilonte aktin e shitjes.
“Ky është një viktimë, peshku i madh është jashtë”, ka thënë avokati Edmond Petraj.
Aktualisht për këtë çështje janë në kërkim edhe dy persona të tjerë që dyshohen si skafistë të grupit.
NDIQE LIVE "PANORAMA TV" © Panorama.al
