U arratis në Itali/ Në Shqipëri nis procesi gjyqësor ndaj Moisi Habilajt. Çfarë i kërkon gjykatës përmes…

| 20:55
SHPËRNDAJE

Nga arratia, Moisi Habilaj përmes avokatit të tij mbrojtës i kërkoi gjykatës së posaçme që të aplikoje gjykimin e shkurtuar. Të njëjtën kërkesë dorëzuan edhe tre avokatët e tjerë për tre të pandehurit e të njëjtit fashikull gjyqësor.

Moisi-Habilaj

Kjo kërkesë e të dyshuarve si pjesë e një grupi që trafikonte hashash drejt Italisë, e detyroi gjykatën që mos të ballafaqojë provat shkresore, por të shtyjë seancën për në datën 26 janar. Procesi ishte i ngrirë prej muajsh pasi drejtësia shqiptare qëndroi në pritje të letërporosisë në të cilën Moisi Habilaj duhej të njoftohej për nisjen e gjyqit nga drejtësia e vendit të tij.

Kjo procedurë e domosdoshme u ndoq paralelisht me kohën kur Habilaj, nën arrest shtëpiak dhe disa shtetas shqiptarë e italianë u konsideruan fajtorë nga gjykata e Katanias.

Por kërkesa suprizë e Moisi Habilajt ,e vë gjykatën shqiptare në dilemë, mes garancive që i ofron një të pandehuri reforma në drejtësi dhe nga ana tjetër qëndrimit që do të mbajë SPAK ndaj të akuzuarve. Vlonjati me emrin e të cilit akuza pagëzoi grupin e të arrestuarve , duket se synon përmes këtij qëndrimi që të përfitojë një të tretën e zbritjes së dënimit në rast të deklarimit fajtor edhe në Shqipëri, shkruan Top Channel.

Nga startimi i hetimit të dosjes “Habilaj”, ku bazuar në përgjimet e italianëve SPAK akuzon 11 persona se u implikuan në kultivim dhe trafik hashashi, deri më tani si trafikant është dënuar në vendin tonë Armando Koçerri.

Ish-ministri i brendshëm Saimir Tahiri dhe ish-drejtori i Vlorës Jaeld Çela , i shpëtuan akuzave të rënda dhe u dënuan për shpërdorim detyre. Kurse për dy ish zyrtarë të tjerë të policisë lokale gjykimi është veçuar sa kohë ata vazhdojnë të jenë në kërkim.

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.