UPDATE/ Policia e Durresit ka njoftuar zyrtarisht se sot në fshatin Sallmone të Shijakut, në portën e jashtme të shtetasit Altin Alla, 36-vjeç, është vendosur një pako e dyshuar si lëndë eksplozive pa ndezës, pa kapsollë dhe pa fitil.
Nga verifikimi paraprak u raportua se një kallëp tritoli gati për shpërthim i ishte vendosur banesës së një aktivisti të PD-së, shtetasit Altin Alla, i cili raportohet se është komisioner i saj në votimin e së dieles.
Ngjarjen e ka konfirmuar edhe dega e PD në Durrës e cila tha se tritoli ishte vendosur në banesën e aktivistit të saj.
Sakaq, vetë Alla ka sqaruar se nuk ka konflikte të tjera përveç shkaqeve politike që tha se qëndrojnë pas kësaj ngjarje.
“Kur dola në 7 e gjysmë, pash ne oborrin e shtepise nje tritol, u frikesova dhe telefonova policine. Disa herë s’ma hapte njeri telefonin, më pas ma hapën dhe kontaktova. Nuk e di se nga vjen ky sulm”,- tha ai.
Ndersa ne vendngjarje kane shkuar edhe kandidati i PD-se per Bashkine e madhe te Shijakut Redi Saraçi dhe Ferdinand Xhaferri, ku ky i fundit ka thene se ky ka qenë një sulm i pastër politik, “është në një klithmë dëshpërimi se kundershtari e ka marrë mesazhin e humbjes”,- tha ai.
Saraçi tha se opozita në Durrës ka pasur probleme gjatë gjithë fushatës elektorale.
Policia shkoi në vendngjarje dhe kryeu verifikimet, teksa tha se po punohet për identifikimin dhe kapjen e autorëve.
NDIQE LIVE "PANORAMA TV" © Panorama.al
