Emisioni “Shqiptarët për shqiptarët” i janë rikthyer historisë së Megit 29-vjeç, nënë e tre fëmijëve e cila vuan çdo ditë mungesën e bashkëshortit që ka ndërruar jetë nga tumor një vit më parë.
Megi Selaci është e papunë dhe vetë vuan nga astma që prej moshës 7-vjeçare. Shtëpia me qira në Kombinat është plot me lagështirë që ia vështirëson shumë shëndetin madje duke e lënë edhe pa frymë. Ky ishte rrëfimi i Megit këtë të martë gjatë emisioni.
“Fëmijët e vuajnë shumë mungesën e tij qoftë për një këshillë për një fjalë për një ndihmë. Duke qenë pa prindër as arrita të shkollohem, këtu jemi me qira, këtë arritëm të përballonim. Nuk kam një punë, fëmijët duan libra duan veshje. Shtëpia nuk është e imja është e shkatërruar ka lagështirë, në momentin që unë kam lagështirë unë shkatërrohem, edhe fëmijëve mund tu shfaqet se trashëgohet. Unë vuaj nga astma që shtatë vjeç, mbetëm pa frymë dhe nuk ka ilaç që më qetëson.
Bashkëshorti ndërroi jetë nga kanceri në Gjermani madje edhe kura eksperimentale. As nuk e konceptoja dot që ishte e vërtetë. Unë 12 vjeç kam humbur nenën 18 vjeç kam humbur babin tim, ne nuk kishim pasuri por kishim njeri-tjetrin. Duke u kuruar thoshim do ia dalim do të marrim kurat, u përpoqëm për çdo gjë por kështu ishte thënë. Ai vuante për mua thoshte se nuk do ia dilja dot vetë, unë isha vetë e sëmurë, ai mendonte si do ia dilja unë.
Unë çdo dimër nga astma shtrohem në spital m debatoj më mjekët më. Ai vetë nuk e pranonte sëmundjen, donte të ikte në punë, kishte një gjallëri unë qaja dhe shkoja fshehurazi. Unë nuk ia zëvendësoj dot fëmijëve figurën e tij. Edhe kur dalin më kërkojnë babain e tyre. Djali e kishte pikën e dobët. Kërkon që të shkojë çdo të shtunë tek varri i tij, unë nuk e kam të lehtë se është në kodër varri, nëse nuk shkon edhe në shkollë ndryshon sjellje djali. Ndonjëherë më thotë se do një shtëpi pranë varrezave. Edhe fëmijët i ka marrë malli për babain e tyre.
Ka shumë gjëra që nuk ua plotësoj dot, unë nuk kam kur të kthehem, kam momente që lodhem dhe dorëzohem, po prapë më duhet ta gjej forcën, u them fëmijëve që të bëhen të zotët e vetes. Këtë Ramazan jemi lutur ata luten të kenë një shtëpi të bukur. Unë besoj me gjithë lutjet që kemi bërë dhe me shpresën që kanë uroj të kemi një shtëpi të ngrohtë që mos të kemi më sëmundje”,-thotë Megi.
Fatma Naçi dhe Meri ka vizituar Megin dhe fëmijët në Kombinat.
“Pasi ndoqa me vëmendje historinë tënde vura re se shumë donatorë të rinj kanë kërkuar numrin e llogarisë për të të ndihmuar, se ne kemi edhe donatorët besnik që janë të përhershëm që dhurojnë gjithmonë. Pashë shumë donacione të vogla nga 5 euro nga 20 euro dhe jam e bindur që ke prekur shumë zemra, ti ke prekur shumë njerëz me emocionin që ke përcjellë”,- i tha Fatma Megit.
“Unë ju ndoqa të martën dhe kishte shumë donacione, më kanë kontaktuar ditë e natë nga të gjitha vendet, madje ishte një vajzë që tha se kishe dinjitet dhe më tha forca. Kur mblidhen shqiptarët bëhet mrekulli. Jam mahnitur”,-u shpreh Megi.
“Eja shikojmë tani se mos kemi ndonjë surprizë tjetër rrugës, do bëjmë një xhiro me makinë. Ta hapim këtë derën tani”,-u thotë Meri fëmijëve.
“ Kjo është e juaja, ta gëzoni. Ju keni mbështetjen e gjithë shqiptarëve timen dhe të Merit personalisht. Ti nuk je më vetëm”,-u thotë Fatma fëmijëve.
“Më keni lënë sot pa fjalë, jam shumë e lumtur ta përshkruaj me fjalë. Nuk është e lehtë kjo për tu arritur por të gjithë bashkë ju e bëtë. Jnei përgjigjur kur kam pasur nevojë, më është mbushur shpirti, ende më duket sikur nuk jam në realitet. Shpresa ishte por nuk e mendova se do realizohej për pak kohë, mua më thanë që Fatma do vinte vetëm për vizitë me Merin por nuk e mendoja kurrë. Shtëpia ka çdo kusht, jam pa fjalë është çdo gjë shumë e bukur”,- tha Megi.
NDIQE LIVE "PANORAMA TV" © Panorama.al
