Trajneri i Skocisë, Aleks MekLish, foli për mikrofonin e “RTSH” pas ndeshjes, ku u shpreh i kënaqur për fitoren dhe dominimin e skuadrës në fushën e lojës.
Ishte një fitore e lehtë sot kundër Shqipërisë?
Nuk krijuam shumë raste, por e dinim se sa më shumë të ushtronim presion, do të shënonim. Shqipëria pati rastet e saj dhe rrezikoi shpeshherë barazimin, por në fund nuk qe e thënë për ta dhe unë jam shumë i lumtur me paraqitjen e skuadrës time. E merituam fitoren, pavarësisht se në disa raste u vumë në presion.
E prisnit një Shqipëri kaq të dobët?
Ne e respektojmë Shqipërinë dhe iu thashë lojtarëve të mi të respektojnë kundërshtaret dhe të luajnë lojën e tyre më të mirë, pasi vetëm kështu mund të fitonim. Ata janë një skuadër shumë e fortë, por ne bëmë një lojë shumë sulmuese në fillim të takimit. Kjo gjë e na dha fitoren.
NDIQE LIVE "PANORAMA TV" © Panorama.al