Polumbarët kanë gjetur trupin e pajetë të 14-vjeçarit, i cili u mbyt në lumin Seman paraditen se së mërkurës (10 gusht).
Ai kishte shkuar për të peshkuar i vetëm dhe nuk është kthyer më në banesë. I vëllai i tij ka gjetur rrobat dhe kallamin e përdorur për peshkim në breg të lumit.
Banorët kanë treguar se vite më parë në lumin Seman është mbytur vëllai i 14-vjeçarit. Një prej tyre tregoi se e gjetën vetë trupin e të ndjerit, në atë kohë.
“Nuk u duk më se unë punoj tek pompat. Vinte vazhdimisht. I vëllai gjeti rrobat dhe kallamin tek vendi, nuk e di çfarë ka ndodhur. Mbrëmë kontrolluam rrjedhën e lumit, por nuk gjetëm gjë. Iu është mbytur edhe një vëlla më përpara. Dhe atë vetë e gjetëm, të mbytur. Banorët e gjetën”, tha një banor i fshatit.
NDIQE LIVE "PANORAMA TV" © Panorama.al
