Vdekja e një 33 vjeçari në një minierat e kromit në rajonin e Bulqizës thellon tragjedinë në familjen Rushiti.
33 vjeçari Rruzhdi Rushiti u gjet i vdekur në orët e para të mëngjesit të sotëm në thellësitë e minierës në Selishtë të Dibrës nga ana e grupit avari- shpëtimit.
Bashkë me të gjetën vdekjen edhe inxhinieri Ismail Hoxha, 62 vjeç dhe minatori tjetër, Fatos Çesku, 55 vjeç. Nga veprimet hetimore të kryera dyshohet se kanë humbur jetën si pasojë e asfiksisë nga gazrat e minierës.
Kjo është tragjedia e dytë në familjen Rushit në harkun e një dekade. Në vitin 2010, Marjana Rushiti, e ëma e 33 vjeçarit, gjeti vdekjen po në minierën e krimit. Ajo u plagos fillimisht nga një fadromë për heqjen e stoqeve të mineralit, ndërsa gruaja u zu poshtë.
Ajo u dërgua me helikopter për në Spitalin Ushtarak të Tiranës, por nuk arriti të mbijetonte. Marjana Rushiti e punësuar në një firmë private po merrej me stoqet e kromit në momentin e aksidentit.
LEXO EDHE:
Nxirren pas 48 orësh trupat e pajetë të tre personave, dyshohet se kanë vdekur nga…
FOTO/ Familjarët dhe punëtorët presin me ankth për të mësuar fatin e inxhinierët dhe minatorëve
NDIQE LIVE "PANORAMA TV" © Panorama.al
