Si pjesë e vëzhgimeve të territorit, policët në Pordenone vunë re mbrëmjen e shkuar një BMW të zezë me targa italiane dhe me tre persona në bord.
Pasi e ndaluan, kërkuan dokumentet e identifikimit për shoferin dhe dy pasagjerët, ku rezultoi se të tre ishin shtetas shqiptarë, banues në këtë qytet. Më pas, shqiptarët u çuan në selinë e policisë për kontrolle të mëtejshme.
Këtu u zbulua se një 42 vjeçar shqiptar i dënuar në Greqi për trafik ndërkombëtar të drogës, ishte shpallur në kërkim evropian. Shqiptari, me iniciale A.A, lindur në Mirditë, akuzohet se ka importuar nga shtatori 2018 deri në janar 2020 – nga Amerika Jugore dhe Qendrore, një ton dhe 200 kilogramë kokainë, përmes anijeve të ngarkesave. Një sasi droge kjo që organizatës i ka sjellë përfitime rreth 120 milion euro.
42-vjeçari u zbulua mbrëmjen e djeshme në bordin e një Bmw me një targë italiane, së bashku me dy bashkatdhetarë të tjerë. Ndaluar nga agjentët për një kontroll në Vallona, doli se njëri prej tyre ishte në kërkim që nga 3 shkurti.
Hetimet zbuluan se burri ishte zhvendosur në Pordenone për disa vjet, ku ishte i punësuar në një kompani.
Hetimet e mëtejshme për pozicionin e personit të arrestuar kanë nxjerrë në pah se ata janë pjesë e një organizate kriminale të strukturuar mirë, të përkushtuar përherë në trafikun ndërkombëtar të sasive të mëdha të substancave narkotike.
Në përfundim të formaliteteve, shqiptari 42-vjeçar u arrestua për llogari të autoriteteve greke.
NDIQE LIVE "PANORAMA TV" © Panorama.al
