Policia italiane ka arrestuar disa shqiptarë si pjesë e grupit që trafikonte kokaine nga Shqipëria në Lombardi. Mediat italiane shkruajnë se deri më tani në super operacionin blitz janë arrestuar 37 persona, mes tyre dhe shqiptarë.
Në operacion u sekuestruan një kompani, 2 shtëpi e 9 automjete. Agjentët kryen arrestimet në Milano teksa agonte dita e martë, 23 shkurt.
Urdhër arrestet ishin prerë nga Gjykata e Milanos për të goditur dy organizata të ndryshme kriminale, të cilat merreshin me trafikun e drogës në nivele të shumëfishta.
Dy nga arrestimet u kryen në Shqipëri, raporton “MilanoToday“.
NDIQE LIVE "PANORAMA TV" © Panorama.al