Një oficer policie që mbyti të dashurën e tij, pasi kjo e fundit e kërcënoi atë se do t’i tregonte gruas së tij për lidhjen jashtë martesore që kishin pas prej 10 vitesh.
Timothy Brehmer vrau infermieren Claire Parry, 41 vjeç, nënë e dy fëmijëve, pasi u takuan në një park makinash në 9 maj dhe kjo e fundit i nisi një mesazh gruas së tij me tekst “unë po të tradhtoj ty”.
Mediat e huaja raportojnë se ai është dënuar me 10 vjet e gjysmë burg.
Brehmer, nga Hordle, Hampshire, tha se ai e kishte mbytur zonjën Parry aksidentalisht gjatë një zënke në makinën e tij.
Zonja Parry, nga Bournemouth, vdiq në spital të nesërmen nga një dëmtim i trurit i shkaktuar nga presioni i ushtruar në qafë.
Gjykatësi i tha Brehmerit se ai po e dënonte atë mbi bazën që “ju e humbët vetëkontrollin tuaj pas dërgimit të mesazhit me tekst për gruan tuaj ku u zbulua afera”.
“Unë jam i sigurt që ju me dashje e kapët Claire Parry nga qafa duke ushtruar forcë të konsiderueshme me parakrahun tuaj ose me bërrylin për një periudhë kohe ndërsa ajo luftonte kundër jush, duke shkaktuar kështu … lëndime të rënda në qafë“, shtoi gjykatësi .
“Provat nga patologu ishin se ato dëmtime të cilat ajo i përshkroi si “të rënda” në një shkallë të butë, të moderuar ose të rëndë rezultuan nga aplikimi i forcës së konsiderueshme në qafë për një periudhë prej minimum 10 deri në 30 sekonda dhe ndoshta më gjatë”, përfundoi gjykatësi.
NDIQE LIVE "PANORAMA TV" © Panorama.al
