Kombëtarja duket se është pranë afrimit të një tjetër lojtari me origjinë shqiptare, i cili vjen nga Maqedonia. Bëhet fjalë për sulmuesin Erdon Daci, i cili gjatë kësaj jave pritet të nisë edhe procedurat për t’u pajisur me pasaportë shqiptare.
Siç raporton “infosport.mk”, lojtari nga Shkupi, është në radarët e trajnerit të Shpresave, Alban Bushi, i cili po këmbëngul që ta ketë në ekip. Pak javë më parë, Daci iu bashkua në formë huazimi ekipit të Eskishehirsporit në Turqi, nga radhët e Koniasporit.
Kështu, Daci është një tjetër lojtar me origjinë shqiptare nga Maqedonia, i cili merr ftesë nga FSHF për të përfaqësuar fanellën kuqezi në të ardhmen.
NDIQE LIVE "PANORAMA TV" © Panorama.al