Triumfi 2-1 kundër Belgjikës i dha Italisë “biletën” e kualifikimit në gjysmëfinale të Kampionatit Europian aty ku e pret Spanja.
Një ndeshje ku nuk mungoi spektakli dhe ku të besuarit e Mançinit treguan edhe një herë se forca e grupit ishte më e rëndësishme se sa yjet që kishte përballë.
Fitorja duket se është festuar edhe nga kryeministri Edi Rama, i cili njihet si tifoz i “të kaltërve” dhe Juventusit.
“Kur ylli është skuadra”, shkruan kreu i qeverisë shqiptare në rrjetet sociale shoqëruar me një foto nga momentet e festimit të golit të Barelës.
NDIQE LIVE "PANORAMA TV" © Panorama.al