Që në puntatën e dytë të emisionit “Përputhen”, janë shfaqur zënkat e para dhe pakënaqësitë ndaj djemve.
Madje situata ka degraduar deri në personale, pasi konkurentët nuk e përmbajtën dot veten.
Maris Lika dhe Ana Lleshi debatuan që ditën e parë që u përballën me njëri-tjetrin.
Meqë ishte dita e parë që të 14-të djemtë erdhën në studio, Marisi kërkoi të prezantohej për të treguar diçka më shumë nga vetja.
25-vjeçari theksoi se ishte edhe një djalë serioz, edhe me humor.
Në këtë moment, Bora, prezantuesja e emisionit, i drejtohet vajzave për të shprehur mendimin e parë në lidhje me Marisin.
Në këtë moment nis edhe debati mes Anës dhe Marisit.
Pjesë nga biseda:
Maris Lika: Tani duhet ta ndani mendjen vajza, doni humor apo seriozitet?
Ana Lleshi: S’më pëlqen ti, ku është problemi.
Maris Lika: As ti mua.
Ana Lleshi: Të njëjtën gjë do thuash.
Maris Lika: Jo, por sa të shikoj, dukesh që nuk përputhesh me mua fare.
Ana Lleshi: Normale…me një si ti…
Maris Lika: Përveç gjatësisë!
Ana Lleshi: Problemi qëndron se unë sa kam shalën, je ti i gjithi!
Maris Lika: Po kjo pra është ajo që mendon ti! Nuk të bën as shala, as emri, as veshja femër, edukata të bën.
Ana Lleshi: Me ty s’jam femër.
Maris Lika: As unë s’të shoh si femër fare! Të rroftë pamja, po…
Ana Lleshi: Faleminderit! Ka të tjerë që më shohin si femër.
Maris Lika: Unë e kam bërë edhe bisedën mbrapa me çunat, edhe e kam thënë që në fillim përshtypjen time për ty! Por s’ta jap luksin që të të bëj protagoniste! Me emrin tim të paktën jo!
NDIQE LIVE "PANORAMA TV" © Panorama.al