Partia Socialiste ka depozituar paraditen e kallëzim penal për ish-kryeministrin e vendit Sali Berisha, pas thirrjes që bëri në parlament për armatosje të popullit.
Kallëzimi u dorëzua sot në Prokurorinë e Përgjithshme nga nënkryetari i grupit të PS-ë, deputeti Taulant Balla.
Vendimi i Grupit të PS, vjen pak pas vendimit të marrë nga Byroja e Kuvendit, e cila e ndëshkoi ish kryeministrin Berisha me përjashtim 10 ditë nga Kuvendi.
Kryeministri Rama duke mbështetur vendimin e Byrosë, deklaroi se me këtë çështje duhet të merret Prokuroria, ndërkohë që edhe vetë deputetet socialistë që në seancën e 21 prillit, kur Berisha lëshoi thirrjen për armatosje, theksuan se ai duhet të merret i pandehur.
Edhe ministri i Brendshëm, Saimir Tahiri, po atë seancë deklaroi se Berisha duhet të merret i pandehur.
Ndërkohë, opozita dhe kreu i saj, Basha e quajtën të paprecedentë vendimin e Byrosë për ndëshkimin e Berishës. Pas këtij vendimi, Grupi i PD vendosi bojkotin e Kuvendit.
Ish- kryeministri Sali Berisha nga foltorja e Kuvendit u bëri thirrje qytetarëve të armatosen për te mbrojtur veten, familjet, pronat. Sipas tij, ata duhet të mbrohen nga bandat kriminale të qeversë.
NDIQE LIVE "PANORAMA TV" © Panorama.al
