“Thirr babanë, do flasim”, at e bir nxjerrin levat e hekurit dhe...

“Thirr babanë, do flasim”, at e bir nxjerrin levat e hekurit dhe masakrojnë të riun

1
SHPËRNDAJE

Një konflikt i hershëm pronësie mes dy fqinjëve në fshatin Valias i Ri të Tiranës është bërë shkak për plagosjen e një 21-vjeçari, i cili vijon të jetë në gjendje të rëndë në Spitalin e Traumës, shkruan “Panorama”.

POLICIA-TIRAne

I riu është goditur me leva hekuri në kokë e në trup nga fqinjët e tij, babë e bir, të cilët janë arrestuar menjëherë nga shërbimet e Komisariatit nr.5. Ngjarja e rëndë ndodhi mbrëmjen e së enjtes, rreth orës 20:30, kur shtetasit e arrestuar Hasan e Dashamir Sh., 59 e 34 vjeç, babë e birë, kanë sulmuar në rrugë 21-vjeçarin me iniciale N.Ll.

Burime nga Policia thanë se nga hetimet paraprake dyshohet se i plagosuri është goditur me shufra hekuri nga dy të arrestuarit dhe plagët më të rënda i ka në kokë, që sipas mjekëve i kanë shkaktuar dëmtime të rënda dhe ndodhet në gjendje mjaft të rëndë.

Gjithçka ka ndodhur për shkak të një konflikti të hershëm pronësie që babai i të plagosurit ka pasur me shtetasin Hasan Sh. dhe djalin e tij. Konflikt që ata ende nuk e kishin zgjidhur, edhe pse mes tyre kishte pasur edhe më herëT përplasje fizike e madje edhe kërcënime.

Mbrëmjen e së enjtes, dy të dyshuarit kanë shkuar pranë banesës së shtetasit N.Ll, për të folur me babanë e tij. Por në rrugë janë ndeshur me të dëmtuarin, të cilit i kanë thënë që të thërriste babanë, pasi duhej të bisedonin për të zgjidhur problemin që kishin.

I riu ka nisur të debatojë me ta, pasi nuk e kanë besuar kur u ka thënë se i ati nuk ndodhej në shtëpi. Në këtë moment, babë e bir, që duket se ishin përgatitur jo vetëm për të biseduar, pasi kishin marrë me vete shufra hekuri, kanë nisur ta godasin 21-vjeçarin në trup e në kokë, derisa ai është rrëzuar i përgjakur në tokë.

Thirrjet e tij për ndihmë janë dëgjuar nga familjarët e të dy palëve, që kanë lajmëruar menjëherë Policinë. Burimet thanë se menjëherë pas telefonatës në vendngjarje kanë mbërritur shërbimet e Komisariatit nr.5 dhe autoambulanca që ka transportuar për në spital të plagosurit.

Ndërsa dy të dyshuarit, pasi kanë hedhur në tokë “armët” me të cilat kishin goditur 21- vjeçarin, kanë nisur të vrapojnë mes banesave të fshatit për t’i ikur Policisë. Megjithatë, brenda pak minutash Policia ka bërë të mundur arrestimin e tyre.

PANORAMA

Te lidhura

 

Artikulli paraprak5 lëvizje për ta çmendur partnerin, s'kanë lidhje me seksin (video)
Artikulli tjetërDeputeti aksidentoi për vdekje këmbësorin, ekspertiza: Faji i viktimës

1 KOMENT

PËRGJIGJU