Gazeta e njohur britanike, “The Guardian”, ka bërë një foto-pasqyrim të të gjitha kombëtareve europiane, që e kanë siguruar tashmë pjesëmarrjen në “Francë 2016”. Në këtë përshkrim të shkurtër për 24 finalistët e Europianit të verës së ardhshme, natyrisht që nuk mungon as Shqipëria. Kombëtarja e drejtuar nga De Biazi shkon për herë të parë në finalet e një komepticioni kaq të rëndësishëm kontinental për përfaqësueset.
Ja çfarë shkruan konkretisht “The Guardian” për Shqipërinë, krahas një fotoje të festës së madhe kuqezi, që shpërtheu në rrugët e Tiranës, por edhe kudo ka shqiptarë, pas fitores 3-0 në Armeni. “Si u kualifikuan ata: Një fitore 3-0 në transfertë, në Armeni, muajin e kaluar, bënë që shqiptarët të renditen të dytët në Grupin I dhe të marrin pjesë për herë të parë në një kompeticion kaq të rëndësishëm. Shqipëria fitoi katër nga tetë ndeshjet kualifikuese, ndërsa mbeti e pamposhtur në transfertë. Shënuesit më të mirë në kualifikim ishin Armando Sadiku, Bekim Balaj, Shkëlzen Gashi, Mërgim Mavraj, Berat Xhimshiti dhe Ermir Lenjani.”/ Telesport
NDIQE LIVE "PANORAMA TV" © Panorama.al