Pas emërimit të tij nga ana e Bashkimit Evropian, si Përfaqësues Special për dialogun Kosovë-Serbi, ka folur diplomati sllovak, Miroslav Lajçak.
Përmes një postimi në Twitter, Lajçak ka thënë se Ballkani Perëndimor gjithmonë ka qenë në zemrën e tij, duke qenë se ka punuar një kohë të gjatë në rajon.
Ai ka shtuar se është i nderuar për besimin që i është dhënë për një punë shumë të rëndësishme.
“Ballkani Perëndimor gjithmonë ka qenë afër zemrës time, duke qenë se kam punuar në rajon për një kohë të gjatë. Jam i nderuar që mu besua një punë kaq e rëndësishme. Pres që të punojë bashkë me përfaqësuesit e Serbisë, Kosovës, dhe të Bashkimit Evropian, dhe gjithashtu bashkëpunim të ngushtë me Shtetet e Bashkuara të Amerikës”, ka shkruar Lajçak.
Emërimin e Lajçak si Përfaqësues Special të BE-së për dialogun Kosovë-Serbi, e kanë mirëpritur ambasada e Italisë dhe Francës në Kosovë, të cilat kanë deklaruar se Lajçak mund të llogarisë në mbështetjen e tyre për rifillim të dialogut Kosovë-Serbi të lehtësuar nga BE-ja.
Mandati fillestar i Lajçakut, ish ministrit të Punëve të Jashtme të Sllovakisë, si Përfaqësues i Posaçëm i BE-së për dialogun Prishtinë- Beograd do të jetë 12 muaj. /Telegrafi/
NDIQE LIVE "PANORAMA TV" © Panorama.al
