Një burrë është arrestuar dhe një hetim ka nisur pasi tetë emigrantë të dyshuar ilegal u zbuluan në bordin e një jahti.
Jahti u gjet në brigjet e Britanisë së Madhe, teksa ishte përgjuar nga Forcat Kufitare Seeker dhe një helikopter bregdetar, i cili më pas e shoqëroi në Baza Detare të Portsmouth në Hampshire.
Tetë shtetas shqiptarë u gjetën në bord dhe çështjet e tyre tani do të trajtohen në përputhje me rregullat e imigracionit në Mbretërinë e Bashkuar. Një hetim ka nisur nga Agjencia Kombëtare e Krimit (NCA).
Drejtuesi i jahtit, një shtetas 64-vjeçar britanik, është mbajtur nën dyshimin e veprave të imigracionit pas incidentit. Tani ai po merret në pyetje nga hetuesit e NCA.
Një zëdhënës i NCA tha: “Tetë shtetas shqiptarë u gjetën në bord dhe çështjet e tyre tani do të trajtohen në përputhje me rregullat e imigracionit në Mbretërinë e Bashkuar”.
“Drejtuesi i anijes, një shtetas 64-vjeçar britanik, është arrestuar me dyshimin se po përpiqet të lehtësojë shkeljen e ligjeve të imigracionit dhe tani po merret në pyetje nga hetuesit e NCA. Varka po ekzaminohet në bazën detare të Portsmouth”.
Aksioni vjen pasi tetë persona u arrestuan në fillim të kësaj jave nga policia vietnameze në lidhje me 39 migrantët e gjetur të vdekur në një kamion në Essex.
Ata u mbajtën të dielën nën dyshimin e organizimit të njerëzve që kontrabandonin jashtë shtetit.
NDIQE LIVE "PANORAMA TV" © Panorama.al
