Tërmeti shkatërrues, futbollisti shqiptar dhuron 10 mijë paund për personat e prekur

Dec 1, 2019 | 22:23
SHPËRNDAJE

Emisioni “Shqiptarët për shqiptarët” vijon misionin, në ekranin e News24, për mbledhjen e sa më shumë fondeve, që do të shkojnë në ndihmë të qytetarëve të prekur nga tërmeti katastrofik i 26 nëntorit, që la pas 51 viktima, mbi 1 mijë të plagosur e qindra ndërtesa të shkatërruara.

Shqiptarët në mbarë botën janë solidarizuar me shqiptarët, që po kalojnë momentet më të tmerrshme të dekadave të fundit. Në studio ndodhen Elvis Naçi, Sidrit Bejleri dhe këngëtari i famshëm kosovar, Arjan Agushi, i njohur si Gold Ag.

2.38542887-620x349

Telefonata dhe mesazh të shumta kanë mbërritur në studio, ku shqiptarë të diasporës, kryesisht nga Zvicra, kanë ofruar mbështetje me shuma të ndryshme. Mes mesazheve ishte dhe një befasuese, që la pa fjalë drejtuesit e emisionit, por edhe shqiptarët.

Bëhet fjalë për futbollistin i njohur shqiptar, Eros Grezda, i cili i dërgoi një mesazh Elvis Naçit, ku i thoshte se dhuron 10 mijë paund për shqiptarët. Grezda është futbollisti i talentuar shqiptar, që luan si mesfushor dhe sulmues për klubin skocez “Rangers”, si dhe kombëtaren shqiptare./BW

NDIQE LIVE "PANORAMA TV" © Panorama.al

Te lidhura