Tërmeti i regjistruar mbrëmjen e kësaj të marte është ndjerë më së shumti në qarkun e Lezhës.
Fatmirësisht, magnituda ishte e ulët ndaj nuk ka shkaktuar dëme materiale në këtë zonë.
Por sërish, lëkundjet sizmike kanë shkaktuar panik dhe frikë tek qytetarët.
Korrespondenti i Panorama.al, Elvis Hila ka siguruar video ku shihet se disa qytetarë kanë dalë nga banesat e tyre nga frika e krijuar nga tërmeti.
Sipas IGJEUM-it, lëkundjet u regjistruan në Detin Adriatik, 3 km në Veri-Perëndim të qytetit të Lezhës.
Magnituda ishte 3.6 e Shkallës Rihter ndërsa thellësia 5 km.
NDIQE LIVE "PANORAMA TV" © Panorama.al
