Tërmeti i fuqishëm në Nepal ka shkaktuar një ortek në malin Everest, raportojnë mediat e huaja.
“MailOnline” raporton se të paktën 18 alpinistë kanë humbur jetën dhe 30 të tjerë mbetën të plagosur në ortek, i cili u shkaktua nga tërmeti i fuqishëm me magnitudë 7.8 që goditi Nepalin dhe i mori jetën pothuajse 1.000 njerëzve.
Raportohet se ‘BaseCamp’ është dëmtuar rëndë, duke shkaktuar frikë për sigurinë e qindra alpinistëve që janë në zonë, tha Ministria e Turizmit.
