Inxhinieri Luigj Aleksi tha se tërmeti i 26 nëntorit, për karakteristikat që manifestoi, ishte shumë afër nivelit katastrofik.
I ftuar në emisionin “Real Story” në News 24, inxhinieri u shpreh se tërmeti shkatërrimtar ka lënë pasoja të mëdha kryesisht në banesa dhe pallate, të cilat kanë një periudhë kohore mbi gjashtë dekada.
“Kanë ardhur specialistë nga Izraeli që kanë matur strukturat e betonit. Strukturat e ndërtuara pas 90, strukturisht i kanë qëndruar lëkundjeve. Numri i banesave që do shemben, janë ose të ligjit të legalizimit, ose banesa të kaluara mbi 60 vjet. Përgjegjësia është individuale e gjithsecilit. Tërmeti mbi 6.4, për karakteristikat që pati, për kohëzgjatjen, ishte afër katastrofikut. Ishte afër katastrofikut për shkallën e llogaritjes. Strukturat e ndërtesave qëndruan, katastrofa e njerëzve ishte shumë e dhimbshme për ata që vdiqën”-tha ai.
NDIQE LIVE "PANORAMA TV" © Panorama.al
