Tërmeti/ Flet sizmologu Rrapo Ormeni: Ja çfarë parashikohet në vazhim. Goditjet do vazhdojnë deri sa…

SHPËRNDAJE

termetiEkspertët sizmiologë bëjnë të ditur se rreziku nga termeti nuk ka kaluar.

Profesor Rrapo Ormeni i pyetur nga Panorama.al, bën të ditur se termeti me epiqendër në Durrës me magnitudë 8 ballë, është ndjer dhe në qytetin e Tiranës deri në 7 ballë.

Sipas tij, termetet nuk mund të parashikohen, por sipas rregullave të sizmiologjisë, vatra e termetit do të ketë goditje të tjera më vogla në vijim.

Ai ka thënë se termeti mund të ripërsëritet ditën e sotme, por dhe në ditët në vijim, gjithashtu mund te ketë lëkundje edhe në javët e ardhshme derisa vatra të shuhet plotësisht.

“Ne gjykojmë që goditjet kryesore kanë kaluar, por në vazhdim mund të ketë pasgoditje.

Tërmeti në Durrës është ndjer deri në 8 ballë, çka ka shkaktuar dëme në ketë zonë, ndërkohë që në Tiranë është ndjerë deri në 7 ballë.

Ky termet do të shoqërohet me pasgoditje që të vazhdojnë me ditë, javë apo edhe deri në muaj mund të vazhdojnë sepse është një termet i konsiderueshëm. Por jemi të mendimit që pasgoditjet me kalimin e kohës do të vijnë duke u shuar. Do jenë gjithmonë e më të vogla deri sa të shuhen dhe deri sa të vendoset gjendja e ekuilibrit.

Tërmetet nuk parashikohen, por goditja kryesore shoqërohet me një pasgoditje dhe sipas ligjeve të termeteve. Por ndonjëhërë pasgoditja që është me e vogël se goditja kryesore, ndonjëherë në zonën e hidrocentraleve mund të jetë e rrezikshme, pasi goditja ka shkaktuar dëme në godina edhe ndërtesa dhe pasgoditja e gjën të gatshme dhe pasgoditjet mund të sjellin dëme”, tha për Panorama profesor Rrapo Ormeni.

rrapo ormeni

Te lidhura

 

S'KA KOMENTE

Comments are closed.