Temperaturat maksimale përgjatë ditës së sotme do të arrijnë deri në 36 gradë celsius në zonat e ulëta.
Ndërkohë vendi do të jetë nën ndikimin e kushteve atmosferike të qëndrueshme për shkak të masave ajrore relativisht të thata me origjinë nga Afrika e Veriut.
Përgjatë ditës së sotme moti parashikohet i kthjellët në të gjithë territorin përjashtuar vranësirat kalimtare në orët e mesditës dhe pasdites.
Parashikimi i motit nga Shërbimi Meteorologjik Ushtarak:
Për ditën e Mërkurë vendi ynë do të vijojë të jetë nën ndikimin e kushteve atmosferike të qëndrueshme për shkak të masave ajrore relativisht të thata me origjinë nga Afrika e Veriut. Moti parashikohet i kthjellët në të gjithë territorin përjashtuar vranësirat kalimtare (transparente dhe të larta) në orët e mesditës dhe pasdites.
Era do të fryjë me drejtim nga kuadrati i jugut me shpejtësi mesatatare deri në 5m/sek, e cila përgjatë vijës bregdetare dhe zonave luginore do të fitojë shpejtësi deri në 8m/sek.
Temperaturat parashikohen:
në zonat malore 14 deri 32°C
në zonat e ulëta 13 deri 36°C
në zonat bregdetare 16 deri 34°C
NDIQE LIVE "PANORAMA TV" © Panorama.al
