MARIGLEN KUME/ Mbledhja e parë e kryetarëve të komisioneve parlamentare në Parlament mes maxhorancës dhe opozitës është shoqëruar me debate dhe mosdakordësi.
Në mbledhjen e parë të konferencës së kryetarëve, opozita kërkoi nga Kryetarja e Kuvendit, Lindita Nikolla, që të shtynin seancën plenare për ditën e hënë, në mënyrë që opozita të kishte më shumë kohë për të studiuar programin qeverisës të PS-së, që e prezanton nesër në seancën plenare.
Argumenti i opozitës ishte se ndryshe nga praktika e mëparshme, këtë herë atyre u është vendosur në dispozicion shumë vonë programi i qeverisjes dhe koha ka qenë e pamjaftueshme për të përgatitur oponencën.
Deputetët e opozitës janë njohur vetëm dje në mesditë me programin e qeverisë, ndërkohë me versionin elektronik, mbi të cilin mund të mbajnë shënime, janë pajisur pasditen e djeshme, pasi shërbimet e Kuvendit u kishin thënë se vonesa ishte shkaktuar për shkak se teksti po redaktohej.
DEBATI PËR SEANCËN
Enkelejd Alibeaj: Për të ruajtur fytyrën e Parlamentit dhe tuajën, si Kryetare e Kuvendit duhet te siguroni që opozita të marrë kohë mjaftueshëm për të studiuar programin, pasi diskutimi për të është më i rëndësishëm në një legjislaturë.
Albana Vokshi: Kërkojmë ta shtyni diskutimin për programin. Ju nuk duhet të keni frikë ta shtyni. Kjo bëhet vetëm nëse keni frikë, sepse s’është as program ky që keni sjellë.
Taulant Balla: Në rendin e ditës sot (dje) kemi vetëm diskutimin mbi kohën që duhet të ketë çdo diskutant. Nuk është në kompetencën e konferencës së kryetarëve që të vendosë shtyrjen ose jo të seancës plenare. Kjo është prerogativë e Kryetares së Kuvendit. Pastaj mund të ketë edhe ndonjë skenarë që ta shtyni diskutimin e të kalojë afati që parashikon Kushtetuta dhe të bi dekreti i Presidentit.
VIJON….
NDIQE LIVE "PANORAMA TV" © Panorama.al
