Një person është shpallur në kërkim nga policia e Durrësit, pasi akuzohet se ka qëlluar me armë zjarri në qytet këtë të diel.
Siç bëjnë me dije sot burime zyrtare nga Policia, 27-vjeçari me iniciale A.K. dyshohet se në lagjen nr.4, ka qëlluar në ajër me armë zjarri dhe më është larguar nga vendngjarja me një makinë tip “BMW”.
Në cilësinë e provës materiale në vendngjarje u bllokua një gëzhojë e kalibrit 9 mm, shtuan të njëjtat burime.
Ndaj të riut janë ngritur akuzat për armëmbajtje pa leje e prishje e qetësisë publike dhe materialet në ngarkim të tij u referuan nga Policia lokale në Prokurorinë pranë Gjykatës së Shkallës së Parë Durrës.
NDIQE LIVE "PANORAMA TV" © Panorama.al
