Një person ka mbetur i plagosur me armë zjarri në zonën e Unazës së Re. Ngjarja ka ndodhur mbrëmjen e kësaj të diele (20 shtator), rreth orës 17:45 dhe sipas policisë dyshohet se ka ndodhur pas një konflikti të çastit.
I plagosur ka mbetur shtetasi me iniciale S.B 45 vjeç, i cili ndodhet në spital jashtë rrezikut për jetën. Ndërsa autori i ngjarjes është larguar dhe policia po punon për kapjen e tij.
Njoftimi i policisë
Më datë 20.09.2020, rreth orës 17:45, në Unazë të Re, pranë një lokali, pas një konflikti të çastit, për motive të dobëta, dyshohet se është plagosur me armë zjarri pistoletë në këmbë shtetasi S.B., 45 vjeç, i cili u dërgua në spital dhe ndodhet nën kujdesin e mjekëve jashtë rrezikut për jetën.
Shërbimet e Policisë kanë shkuar menjëherë në vendngjarje, ka rrethuar zonën dhe vijon krehja e saj për kapjen e autorit, i cili menjeherë pas plagosjes është larguar nga vendngjarja .
Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do çojë në identifikimin dhe kapjen e autorëve.
NDIQE LIVE "PANORAMA TV" © Panorama.al