Kryeministri Edi Rama ishte dje i ftuar në Global Positive Forum, një event i organizuar në Paris, nën kujdesin e Presidentit Manuel Macron, me temë “Nxitja e ekonomive pozitive në vendet në zhvillim”.
Gjatë fjalës së tij, Kryeministri Rama tha se prioriteti i Qeverisë së tij është anëtarësimi në BE dhe ekonomia e dijes. Ai mes te tjerash foli edhe per raportet me Serbine, duke theksuar se ka me shume gjera qe na bashkojne se sa na ndajne.
Pjese nga fjala e Rames
Më lejoni t’ju them se sot, Shqipëria e Serbia kanë shumë më tepër gjëra që na bashkojnë se gjëra që na ndajnë, edhe pse kjo dukej e pamundur deri vetëm pak kohë më parë, në momentin kur unë u bëra Kryeministër, përpara pak vitesh.
Një prej gjërave që kemi të përbashkët është besimi në vlerat e BE-së dhe dëshira për të qenë pjesë e saj.
Edhe një herë, siç e kam thënë me admirim dhe përulje, nuk besoj se njerëzimi ka njohur ndonjëherë në historinë e tij një program ekonomik e politik më ambicioz se BE-ja.
Procesi për të arritur deri këtu ka qenë i trazuar, ka tejkaluar kriza të mëdha, ka njohur shumë ulje e ngritje, si Brexit në këtë moment.
Në këtë çast jemi në një pikë të ulët, por projekti europian nuk është ndërprerë dhe nuk do të ndërpritet ndonjëherë, besoj unë.
Ne e duam Europën, ne duam t’i përkasim Europës dhe ne duam që të vazhdojmë të kontribuojmë për rritjen e këtij suksesi të pabesueshëm që përfaqëson BE-ja dhe duke thënë këtë, nuk flas vetëm për shqiptarët, por për të gjithë vendet e Ballkanit Perëndimor.
NDIQE LIVE "PANORAMA TV" © Panorama.al
