Gjendja e rënduar emocionale e Fitit gjatë spektaklit të transmentuar këtë të martë në “Big Brother VIP”, ka nxitur reagimet e miqve të këngëtares.
Dy prej tyre janë Flor Mumajesi dhe Bruno, të cilët kanë reaguar në rrjetin social “Instagram”. Artistët kanë publikuar një këngë, të cilën Fifi e shkroi brenda shtëpisë.
Krahas videos që publikoi për Fifin, Flori tregoi me anë të mbishkrimit se e mbështet në çdo hap artisten dhe se gabimet e saj nuk kanë pse t’ju dhembin të tjerëve. Ai shkroi:
“E mira Fifula që sot më shumë se kurrë të gjithë po flasin për ty edhe pse ti s’ke lidhje me helmin brenda tyre! Të kryqëzuan se interneti u jep mundësinë të ndihen superiorë, të mençur, madje dhe artistë! Taksirat shpirt, këtu u rritëm e këtu jetojmë, këtu në vendin tim e në vendin tënd, ku unë e ti gabojmë e atyre iu ‘dhemb’. Një këngë krijuar nga ty Fifi aty në atë shtëpi, që në çdo rast do të jetë e përkohshme…”.
Ndërkohë, Bruno në videon tjetër që ndau me ndjëekësit e tij në “Instagram”, zbuloi se këngën e ka prodhuar për të ndarë me të gjithë pak “nga shpirti” i saj.
“Sytë më djegin, jo vetëm nga pagjumësia. Ti nuk ke mundësi ta shikosh postimin tim, por jam i sigurt që do e ndjesh në zemrën tënde të bardhë.
Nuk e di ia kam dalë dot unë me zërin tim nga studio, ti nga ‘Big Brother’, por doja shumë të ndaja me të gjithë pak nga shpirti yt!
Muzika – Fifi
Teksti – Fifi
Prodhuar nga – Unë, si të ishim afër bashkë.”,- shkroi Bruno.
Fifi humbi ndjenjat të martën kur Balina i tha se po ndërhyn mes Sarës dhe Pajtimit për të marrë vëmendje. Ajo donte të dilte jashtë dhe t’i jepte fund këtij rrugëtimi, por pasi u la të reflektonte për pak minuta me veten, këngëtarja vendosi të qëndronte.
NDIQE LIVE "PANORAMA TV" © Panorama.al