Kamerat e “Fiks-Fare” arritën të depërtonin në dasmën e Princit Leka II me Elia Zaharian. Gazetarja intervistoi disa të ftuar me prejardhje mbretërore nga monarkitë në Europë.
Një prej tyre, madje tha se nuk e njihte princin fare. “Nuk e njoh, thjesht më erdhi ftesa dhe u nisa direkt”, thotë ajo duke qeshur.
E pyetur më pas se si ka mundësi që Shqipëria është republikë parlamentare dhe ka edhe princ, ajo nuk dinte të përgjigjej.
Po kështu, edhe një përfaqësues i familjes mbretërore belge nuk dinte t’i jepte përgjigje kësaj pyetje.
“Më duket e çuditshme që një republikë parlamentare ka Princ. Por ky është Ballkani, plot gjëra të çuditshme”, tha ai.
PYTJE-PERGJIGJE
A e dini historinë e Leka Zogut? Historinë e monarkisë këtu në Shqipëri?
Po, sigurisht. Di që gjyshi i Lekës ishte një njëri shumë i zgjuar. Unë nuk jam ekspert që të njoh kushtetutën e Shqipërisë.
Nga vini ju?
Ne vijmë nga Spanja. Nuk mund të flas për monarki në Shqipëri, por mund të them që është një vend shumë i bukur, dhe ne jemi të befasuar nga zhvillimi i vendit. Edhe njerëzit janë shumë miqësorë.
Nga cili vend vini?
Unë vij nga një familje shumë e vjetër belge, por nuk jam pjesë e monarkisë.
Këtu mbreti është i vetëshpallur…
Po është e çuditshme, por gjithmonë në Ballkan gjithçka është e çuditshme.
Si quheni?
Emri im është Gloria. Unë vij nga Gjermania, dhe nëna ime është hungareze.
Ju jeni një mikeshë e afërt e çiftit?
Nuk e di akoma.
Nuk e dini? Po si erdhët këtu?
Erdha menjëherë. Princi më ftoi dhe u nisa.
A e dini historinë e Shqipërisë?
Pak e di, kam lexuar në Wikipedia.
NDIQE LIVE "PANORAMA TV" © Panorama.al
