Travis Scott ka konfirmuar ribashkimin me Kylie Jenner gjatë daljes së tyre në “Big Apple”.
Dyshja dhe vajza e tyre 3-vjeçare kaluan një natë familjare në 72-vjetorin e “Parsons Benefit” në Nju Jork, raporton “Daily Mail”.
23-vjeçarja dhe partneri i saj 30-vjeçar, pozuan për fotografët së bashku në tapetin e kuq.
“Travis dhe Kylie ishin shumë të ëmbël dhe të lezetshëm së bashku,” tha një burim. “Ata po mbanin duart me njëri-tjetrin dhe dukeshin plotësisht të dashuruar“.
Burimi thotë se Scott i dedikoi disa fjalë zemre Kylie-t gjatë fjalimit të tij: “Grua, të dua shumë“.
Pas festës, Kylie publikoi në llogarinë e saj në Instagram një imazh, ku shihej në krahët e Scott, dhe mbi të shkroi: “24 orë në Nju Jork”.
“Kylie dhe Travis mundohen të kalojnë shumë kohë familjare cilësore së bashku”,- tha burimi, duke shtuar se Jenner është shumë e lumtur me Scott.
“Ata nuk po i ushtrojnë presion marrëdhënies së tyre. Shkojnë mirë me njëri-tjetrin dhe gjërat mes tyre duken shkëlqyeshëm. Të dy duan të jenë shumë të pranishëm në jetën e Stormit. Travis dhe Kylie kanë punuar shumë për të krijuar një situatë të shkëlqyer familjare”,- përfundoi burimi.
NDIQE LIVE "PANORAMA TV" © Panorama.al