Numri i të vdekurve nga Covid-19 në Itali i kaluar 2 mijë vetë, me shtimin dramatik të rasteve fatale gjatë ditës së hënë.
Në të gjithë Italinë janë 2470 më shumë të infektuar të hënën, duke e çuar totalin në 23073 të prekur nga koronavirusi, me 414 të shëruar që e çon në total numrin e të shëruarve në 2749 vetë dhe 349 vdekje më shumë për një total prej 2158 viktimash. E përgjithshmja e të prekurve në Itali është tashmë 27980 raste.
Në Lombardi ka 14.649 njerëz me koronavirus pozitivë dhe 1.420 vdekje, 202 më shumë se dje, sipas këshilltarit rajonal për mirëqenie, Giulio Galler. Pozitivët janë 1,377 më shumë, një shifër më e ulët se një ditë më parë, ndërsa numri i të shtruarve në spital “është shumë i lartë, 1,273 më shumë” në 24 orë.
Në kujdesin intensive janë 823 persona, 66 më shumë se një ditë më parë. Në qytetin e Milanos janë 813 pozitivë më Covid-19, krahasuar me 711 një ditë më parë. Në provinca, megjithatë ka 1,983 raste. “Një rezultat akoma i kufizuar, mbi një popullsi mbi 3 milionë”, tha Gallera.
Në Bergamo ka 3760 raste, ose 344 më shumë se e diela, ndërsa në Brescia janë 2918, me një rritje prej 445 në një ditë të vetme. Vetëm 42 raste të reja në zonën e Lodit, që do të thotë se “rruga e marrë për kontroll ka qenë e drejtë”.
Ndodhi edhe ajo që i druheshin shumë njerëz. Konstatohet një rast i parë i infeksionit në një qendër pritëse për emigrantët në Milano: një prej tyre u gjet pozitiv për koronavirus në strukturë në Fantoli, në zonën e Mecenates, ku protokollet dhe procedurat e urgjencës u nxitën menjëherë. Djali nuk duhej të shtrohej në spital sepse nuk ishte në gjendje serioze, ai është në izolim, ashtu si edhe shokët që ndanin dhomën me të. Hapësirat janë dezinfektuar si masë paraprake. Për të rritur më tej distancat e sigurisë, një pjesë e afërsisht 160 emigrantëve që aktualisht duhet të jenë të pranishëm në strukturë, janë transferuar në një ndërtesë tjetër jo shumë larg, gjithmonë brenda përmes Fantolit.
