Në Festivalin Folklorik të Gjirokastrës merr pjesë edhe një grup artistik të burgosurish. Drejtoria e Përgjithshme e Burgjeve njofton se, në bashkëpunim me Ministrinë e Kulturës, është mundësuar një stendë përfaqësuese e institucionit të burgjeve në Festivalin Folklorik të Gjirokastrës.
Prej më se një muaji kanë filluar përgatitjet për pjesëmarrjen e grupeve artistike të të dënuarve nga burgu i Peqinit, Lezhës dhe “Jordan Misja” (Fier), nën drejtimin e këngëtares Myfarete Laze.
Në përbërje të përfaqësisë do të ketë një kompleks valleje të përbërë nga tre të dënuar nga burgu “Jordan Misja”, një grup polifonik, i përbërë nga 6 të dënuar nga burgu i Peqinit dhe një duet rapsodësh nga burgu i Lezhës. Krahas pjesëmarrjes në festival, DPB është pjesëmarrëse edhe në panairin e hapur me këtë rast, me punime të ndryshme artistike dhe artizanale të të burgosurve.
NDIQE LIVE "PANORAMA TV" © Panorama.al