“Lëvizjet e mëdha” të Barcelonës kanë filluar për rinovimin e Lionel Mesit. Ardhja e Hoan Laportas në presidencë sigurisht ka relaksuar marrëdhëniet mes dy palëve dhe, siç thekson media iberike “Sport”, ndjenja është se kampioni argjentinas, pasi ishte një hap larg divorcit verën e kaluar, tani është i bindur të vazhdojë karrierën e tij të jashtëzakonshme me fanellën katalanase.
Një rol vendimtar, luhet nga Laporta i cili siguroi që marrëdhënia e tij me yllin argjentinas të ishte shumë e mirë dhe qëllimi i tij për ta bindur atë të qëndronte pavarësisht sirenave të PSG-së, e cila do të kishte vendosur në pjatë një ofertë të pa refuzueshme për “pleshtin”. Pas një takimi me të atin e Mesit, Horge Mesit i cili është dhe njëkohësisht dhe agjenti i tij, sipas medias ‘TV” kohët e fundit ka pasur një afrim midis palëve.
Ndjenjat pozitive për arritjen e një marrëveshje që kënaq “pleshtin” në atë që duhet të jetë kontrata e fundit e karrierës së tij. Sipas mediave katalanase, Laporta nuk ka bërë ende ndonjë propozim ekonomik sepse deri në mes të majit ai nuk do të jetë në gjendje të dijë gjendjen e financave të klubit.
Por presidenti i kërkoi durim argjentinasit, i cili do të pranonte një kontratë për shumë vite: dy vite në ekipin e parë para se të përfundojë karrierën e tij si lojtar në MLS amerikane, ku ai gjithashtu do të jetë ambasador i klubit blaugrana dhe përfundimisht të kthehet në Barcelonë për të kryer punën e tij në dirigjencë.
PANORAMASPORT.AL
NDIQE LIVE "PANORAMA TV" © Panorama.al
