Ministria e Brendshme ka reaguar pas akuzave të PD-së për arrestimin e Arben Frrokut në Holandë, duke theksuar se vetëm dje u është konfirmuar nga partneret identiteti i tij.
Në një deklaratë për mediat, Ministria e Brendshme sqaron se “Autoritetet shqiptare kanë patur komunikim me partnerët dhe sapo ka ardhur sinjali i parë për vendndodhjen e të dyshuarit Arben Frroku, brenda një kohe rekord janë dërguar në Holandë të dhënat krahasuese dhe dje në orët e pasdites është konfirmuar identiteti, u shpall arresti dhe nisi procedura e ekstradimit të tij”.
Ministria e Punëve të Brendshme i bën thirrje PD-së të rreshtohet në anën e ligjit dhe institucioneve, e të lërë drejtësinë të bëjë drejtësi ndaj krimit, pa dallim.
“Politika me krimin nuk ndihmon askënd e as mund të përdoret për të shmangur detyrimin madhor para qytetarëve, për reformën në drejtësi”- thuhet ne dekarate.
NDIQE LIVE "PANORAMA TV" © Panorama.al