Lirim Zendeli ka dhënë dje lajmin e keq për të gjithë tifozët, duke njoftuar largimin e tij nga Formula 2. Me anë të një postimi në rrjetet sociale piloti me origjinë shqiptare ka bërë të ditur se do të tërhiqet për shkak të vështirësive financiare:
“Përshëndetje miq. Kam një lajm të keq, pasi do të tërhiqem para kohe nga Formula 2 për shkak të arsyeve financiare. Pandemia e zvogëloi edhe më shumë buxhetin tim modest. Para së gjithash, dua të falënderoj sponsorët nga Gjermania, të cilët kanë qenë të besueshëm dhe nuk janë arsye për këtë tërheqje. Jam krenar që pata mundësinë të garoj në F2, pasi vij nga një familje me të ardhura normale.
Dua të falënderoj edhe ‘MP Motorsport’ që kanë qenë të duruar dhe më kanë mbështetur gjithnjë. E kam të vështirë ta mendoj që do të më duhet të tërhiqem për një kohë, por do të bëj gjithçka që të gjej një mundësi të mirë për t’u rikthyer në pistë sa më shpejt”, shkruan 22-vjeçari i skuadrës MP Motorsport.
NDIQE LIVE "PANORAMA TV" © Panorama.al
