1000 individë nga Ballkani Perëndimor kanë udhëtuar në Siri dhe Irak, rreth 300 janë kthyer, më shumë se 200 janë vrarë dhe rreth 400 mbeten atje, megjithëse ritmi i largimit të qytetarëve nga ky rajon u ngadalësua në 2015 dhe pothuajse tërësisht u ndal nga mesi i vitit 2016.
– Konferenca e Dytë Koordinuese Rajonale Kundër – Terrorizmit dhe Parandalimit dhe Kundërshtimit tëi Ekstremizmit të Dhunshëm në Ballkan, filloi punimet sot në Bërdo të Sllovenisë.
Bostjan Sefik, Sekretari i Shtetit në Ministrinë e Punëve të Brendshme të Sllovenisë hapi zyrtarisht Konferencën duke theksuar rëndësinë e Konferencës së sotme, që bëri bashkë tre nivele të ndryshme partneriteti: politik, strategjik dhe operacional.
Ai tha se rajoni i sigurt dhe stabël ishte një pjesë e rëndësishme e sigurisë globale, duke shtuar se Sllovenia po investonte shumë në bashkëpunimin rajonal dhe mbështeste qasjen bashkëpunuese në luftën kundër terrorizmit, luftëtarëve të huaj terroristë dhe çdo ekstremizmi të dhunshëm brenda BE-së, por edhe në rajon.
Goran Svilanoviç, Sekretari i Përgjithshëm i KBR, iu drejtua pjesëmarrësve duke i kujtuar ato mbi konkluzionet e Konferencës së Parë Rajonale, mbajtur në Tiranë, në nëntor 2016, që ngriti çështje të ngutshme si adresimi në kohë i shkaqeve rrënjësore, roli i komuniteteve lokale dhe krijimin e programeve konkrete për de-radikalizimin dhe riintegrimin e të kthyerve.
“Puna jonë sapo ka nisur. Terrorizmi duhet të kuptohet në mënyrë që të mposhtet, dhe kjo betejë shkon përtej rrjeteve qeveritare dhe institucionale dhe presupozon kuptimin më të mirë të modeleve të caktuara shoqërore. Për këtë qëllim, KBR realizoi një studim, i cili konstaton se në periudhën 2012-2017 rreth 1000 individë nga Ballkani Perëndimor kanë udhëtuar në Siri dhe Irak, rreth 300 janë kthyer, më shumë se 200 janë vrarë dhe rreth 400 mbeten atje, megjithëse ritmi i largimit të qytetarëve nga ky rajon u ngadalësua në 2015 dhe pothuajse tërësisht u ndal nga mesi i vitit 2016.
Në të njëjtën kohë, rreth 5,000 qytetarë të BE-së shkuan për të luftuar në Siri dhe Irak “, tha Svilanoviqi duke përfunduar se të dhëna të tilla imponuese na sollën më afër konceptimit të asaj që duhet të bëjmë, nga shkollat në burgje, në mënyrë që të mposhtim ideologjitë e dhunshme që çojnë në tmerrin e terrorizmi.
Rajko Kozmelj, Kryetar i Qeverisjes Integruese të Sigurisë së Brendshme përsëriti rolin e Nismës kundër Terrorizmit në Ballkanin Perëndimor, një përgjigje e koordinuar dhe e bazuar në nevojat ndaj radikalizimit që çoi në ekstremizmin dhe terrorizmin e dhunshëm në Ballkanin Perëndimor, duke shpjeguar se në punën e saj rajoni ka njohur dhe vepruar me sinergji të reja dhe të dobishme në zgjidhjet që ato ofrojnë për të mbushur boshllëqet në bashkëpunimin strategjik, politik dhe në nivel operacional.
Konferenca nxit mirëkuptimin e ndërsjellë të të gjithë aktorëve relevantë dhe parashihet të sjellë konkluzione dhe rekomandime specifike mbi drejtimin e ardhshëm të përpjekjeve të përbashkëta tqë do të lehtësonte bashkëpunimin, duke angazhuar në mënyrë efikase resurset e kufizuara njerëzore dhe financiare të rajonit.
Pjesëmarrësit gjithashtu do të flasin për tendencat dhe sfidat aktuale, aktivitetet në nivel evropian, rajonal dhe kombëtar, si dhe mënyrat e zbatimit të qasjes së përafruar “në tërësi të qeverisë, të gjithë shoqërisë”. Takimi do të dëgjojë gjithashtu për aktivitetet dhe rezultatet e arritura që nga Konferenca e fundit e Koordinimit, e mbajtur në nëntor 2016 në Tiranë.
Një pjesë integrale dhe shumë e rëndësishme e Konferencës, e cila është gjithashtu pjesë e Iniciativës Kundër Terrorizmit në Ballkanin Perëndimor , do të jenë seanca të veçanta të tre formacioneve të specializuara rajonale për Grupet për Parandalimin dhe Kundërshtimin e Ekstremizmit të Dhunshëm ; Konventa e Bashkëpunimit Policor për Evropën Juglindore, dhe Rrjeti i Iniciativës Kundër Terrorizmit.
Grupet e punës do të bëjnë një pasqyrë të politikës së tendencave të ekstremizmit dhe radikalizmit të dhunshëm që çon në terrorizëm në Evropën Juglindore, si dhe programet, aktivitetet dhe sfidat e hasura në parandalimin dhe përballimin e ekstremizmit të dhunshëm në nivel rajonal, dhe nivele lokale. Pjesëmarrësit do të diskutojnë dhe bien dakord mbi udhëzimet për veprim të mëtejshëm në nivel rajonal dhe kombëtar.
