Kreu i firmës shtetërore të energjisë bërthamore të Ukrainës ka paralajmëruar për rreziqet e larta të bombardimeve në termocentralin bërthamor të Zaporizhzhias të pushtuar nga Rusia dhe tha se është jetike që Kievi të rimarrë kontrollin mbi objektin në kohë për dimër.
Shefi i Energoatom, Petro Kotin, i tha agjencisë së lajmeve Reuters se sulmet ruse të javës së kaluar kishin dëmtuar tre linja që lidhin uzinën e Zaporizhzhias me rrjetin ukrainas dhe se Rusia kërkon të lidhë objektin me rrjetin e saj.
Ukraina dhe Rusia kanë akuzuar njëra-tjetrën për sulmet ndaj centralit të madh bërthamor – më i madhi në Evropë – që shtrihet në territorin e kontrolluar nga Rusia.
NDIQE LIVE "PANORAMA TV" © Panorama.al
