ZYRTARE/ Xhampaolo i jep fund papunësisë, prezantohet te skuadra e re. Festojnë edhe te Milani
Marko Xhampaolo është trajneri i ri i Torinos, ,me italianin që ka firmosur deri në vitin 2022. Xhampaolo ishte prej kohësh pa punë, pasi ishte ende nën kontratë me Milanin, por palët gjetën akordin për prishjen e kontratës me konsensus dhe trajneri nuk do paguhet më për vitet e mbetura në kontratën me Milanin.
Xhampaolo do përfitojë 1.5 milionë euro në vit. Klubi i Torinos doli me një komunikatë për shtyp pas zyrtarizimit të Xhampaolit si trajner të skuadrës. “Klubi i futbollit Torino është i kënaqur të njoftojë se i ka besuar stolin Marko Xhampaolos. Trajneri ka nënshkruar një kontratë dy vjeçare.
Presidenti Urbano Kairo mirëpret Xhampaolon dhe stafin e tij me mirëseardhjen më të përzemërt. Puna e mbarë”, shkruhet mes të tjerash në komunikatën e Torinos.
?| #WelcomeGiampaolohttps://t.co/VLfD14H3Nq#SFT pic.twitter.com/gtwcPAzgVi
— Torino Football Club (@TorinoFC_1906) August 7, 2020
PANORAMASPORT.AL