Vllaznia vazhdon të jetë aktive në merkato pavarësisht problemeve të fundit në lidhje me buxhetin. Sulmuesi ganez Çars Atsina është zyrtarisht pjesë e shkodranëve duke firmosur një kontratë një vjeçare me të drejtë rinovime edhe për një tjetër sezon.

28-vjeçari kishte kohë që ishte në provë te Vllaznia, performanca e tij e ka kënaqur trajnerin Cungu i cili ka dhënë dhe “OK”-in për ta pasur pjesë të skuadrës. Futbollisti ganez është aktivizuar me shumë klube gjatë karrierës së tij dhe në total ka arritur të shënojë 32 gola. Shkëlqimin e tij e pati te Csv Bokum në sezonin 2013-2014 ku në 24 ndeshje realizoi 20 gola.

Pas Edon Hasanit, Gilman Likës dhe Nuredin Orelesit kjo është goditja e 4-t e shkodranëve në merkato.

NDIQE LIVE "PANORAMA TV"

---