ZYRTARE/ Vetëm 1 gol këtë sezon, Vllaznia i jep duart futbollistit të vet
Vllaznia dhe futbollisti i saj Uenderson mbyllin këtu bashkëpunimin mes tyre.
Vetë klubi shkodran e dha lajmin në faqen e tij zyrtare, ku bëri me dije mbarimin e kontratës mes kuqebluve dhe 27-vjeçarit brazilian.
Largimi i futbollistit me tipare sulmuese ishte paralajmëruar prej ditësh teksa nuk bindi trajnerin Jonuz dhe drejtuesit e klubit. Në 10 ndeshje të këtij sezoni, Uenderson shënoi vetëm një gol me Vllazninë në kampionat.
Njoftimi i Vllaznisë:
KF Vllaznia bën të ditur se nga sot futbollisti Uenderon da Silva Soares nuk do të jetë më pjesë e skuadrës. Me të është rënë dakord që të ndërpritet me mirëkuptim kontrata e punës dhe në fund palët kanë shtrënguar duart me njëri- tjetrin.
KF Vllaznia e falenderon futbollistin Uenderson da Silva Soares për kontributin e dhënë gjatë këtyre muajve tek ekipi jonë dhe njëkohësisht i uron suksese në karrierën e tij të mëtejshme!
