Postuar: Janar 24, 2020 | 23:04
ZYRTARE/ U afrua me bujë te Interi në verë, futbollisti largohet nga zikaltërit dhe prezantohet te ekipi i ri
Aventura e Valentina Lazaro te Interi ka zgjatur vetëm 6 muaj, pasi mbrojtësi austriak ka vendosur të largohet nga zikaltërit.
Ditën e sotme 23-vjeçari është prezantuar te skuadra e re, teksa ka vendosur të vazhdojë karrierën te anglezët e Njukastëll. Lojtari gjeti shumë pak hapësira tek ekipi i drejtuar nga Konte dhe vendosi të shikojë për një destinacion të ri.
Lazaro ka kaluar te ekipi anglez në formën e huazimit, me këta të fundit që kanë edhe të drejtën e blerjes nëse futbollisti bind me paraqitjet e tij.
Austriaku ka kaluar me sukses vizitat mjekësore, dhe para pak minutash është zyrtarizuar te ekipi i tij i ri.
PANORAMASPORT.AL
NDIQE LIVE "PANORAMA TV"