Postuar: Nëntor 19, 2018 | 18:30
ZYRTARE/ Një shqiptar në gjykim ndaj Uellsit, përcaktohen “xhaketat e zeza” për miqësoren e nesërme
Shqipëria do të luajë nesër miqësoren në “Elbasan Arena” ndaj Uellsit, në orën 20:00, ndërkohë që UEFA ka zyrtarizuar edhe gjyqtarin që do të vërë drejtësi në këtë takim.
Trupa e arbitrave do të jetë nga Maqedonia, me kryesor Dejan Jakimovski, dhe asistentë të tij Nikola Karakolev dhe Kushtrim Lika. Ky i fundit, vjen nga Komuna e Kërçovës në Maqedoni, një komunë e pjesës perëndimore të Maqedonisë, ku shqiptarët përbëjnë popullsinë më të vjetër autoktone.
33-vjeçari Jakimovski ka qenë edhe një herë tjetër në gjykimin e Shqipërisë, në miqësoren e 5 marsit të 2014-ës, ndaj Maltës, ku kuqezinjtë fituan me shifrat 2-0, falë golave të Bashës dhe Mehës.
NDIQE LIVE "PANORAMA TV"