Postuar: Dhjetor 31, 2018 | 21:20
Zyrtare/ Nga Kukësi në SHBA, mbrojtësi pogradecar i surprizon të gjithë
Vangjel Zguro do të vazhdojë karrierën në Amerikë. Pogradecari është zyrtarizuar ditën e sotme te ekipi i Çatanuga Red Uolves SC, që militon në USL League One. Zguro bëhet kështu futbollisti i tretë shqiptar që do të luajë në SHBA pas Shkëlzen Gashit dhe Afrim Takut.
Nuk kanë munguar vlerësimet për mbrojtësin që sezonin e fundit mbajti veshur fanellën e Kukësit. Në një prononcim për mediat, drejtori i Cahtonuga Red Uolves, Tim Hankinson u shpreh:
“Si një mbrojtës i majtë, Vangjel është shumë teknik dhe i pëlqen të shkojë në sulm. Për një lojtar të moshës së tij, ai ka goxha eksperiencë dhe luan në disa pozicione. Krijimi i rasteve dhe loja e tij do të jenë diçka e bukur për t’u parë”.
NDIQE LIVE "PANORAMA TV"