Tashmë është zyrtare, ndeshja mes Arsenalit dhe PSV-së, e vlefshme për sfidën e dytë të fazës së grupeve të Europa Ligës do të zhvillohet më 20 tetor në orën 19:00, në stadiumin “Emirates”.

Këtë lajm e ka bërë publike UEFA, teksa takimi ishte planifikuar fillimisht për datën 15 shtator është shtyrë pas përgatitjes në të funeralit të Mbretëreshës Elizabeta e II-të, e cila ndërroi jetë më 8 shtator.

Për rrjedhojë, ndeshja mes Arsenalit dhe Mançester Sitit, e vlefshme për javën e 12-të të Premier Ligës, e cila ishte planifikuar për tu zhvilluar më 19 tetor, është shtyrë për një datë tjetër.

BRIAN KRISTO – PANORAMASPORT.AL

---