ZYRTARE/ Mbyllet aventura e Zidanit te Reali, klubi njofton largimin e trajnerit
Qarkullonte si lajm prej kohës, por tashmë është zyrtare. Zinedin Zidan nuk është më trajner i Realit të Madridit.
Ka qenë vetë klubi madrilen që nëpërmjet faqes zyrtare, ka njoftuar largimin e francezit. E ardhmja e Zidane ka qenë pikë diskutimi në kampin madrilen dhe siç duket ka marrë fund aventura e tij.
“Real Madrid njofton se Zinedine ka vendosur të mbyllë bashkëpunimin si trajner i klubit tonë. Tani është koha për të respektuar vendimin e tij dhe për të treguar vlerësimin tonë për profesionalizmin, përkushtimin dhe pasionin e tij në gjithë këto vite, si dhe për atë që ai përfaqëson si figurë për klubin e Real Madrid.
Zidane është një nga mitet më të mëdha të Real Madrid dhe legjendat e tij shkon përtej asaj që ai ka qenë trajner dhe lojtar i klubit tonë. Ai e di që është në zemër të Real Madrid dhe se ky klub është dhe do të jetë gjithmonë shtëpia e tij”, shkruhet në komunikatën e klubit spanjoll.
Comunicado Oficial: Zinedine Zidane.#RealMadrid
— Real Madrid C.F. (@realmadrid) May 27, 2021
PANORAMASPORT.AL
NDIQE LIVE "PANORAMA TV"