ZYRTARE/ Konfirmohet lajmi i “Panorama Sport”, një tjetër titullar “lë thatë” Kukësin
Pas Bruno Telushit, mbrojtësi Erhun Obanor, është futbollisti i radhës i larguar nga Kukësi, në vetëm pak ditë. Nigeriani i ka dhënë fund aventurës me verilindorë, pas përfundimit të kontratës.
Nëpërmjet një njoftimi në faqen zyrtare, kuksianët zbulojnë se i ofruan një kontratë të re me kushte shumë të mira futbollistit, por ai dëshiron të provojë një aventurë jashtë Shqipërisë.
Faksimile e lajmit të Obanor, të publikuar në versionin print të gazetës “Panorama Sport”, më datë 26 shtator
Kujtojmë që “Panorama Sport”, zbuloi ekskluzivisht ditën e djeshme, se Obanor ka arritur akordin me letonezët e Rigës, në të cilin aktivizohet dhe futbollisti i njohur shqiptar Heidi Prenga. Palët kanë arritur akordin në parim dhe shumë shpejt ai mund t’i bashkohet ekipit të ri.
NJOFTIM I KLUBIT!
Erhun Obanor nuk është më pjesë e Kukësit! Mbrojtësit nigerian i përfundoi kontrata këtë verë dhe pavarësisht se klubi i ofroi një kontratë të re me kushte shumë të mira, dëshira e futbollistit ishte të provonte një aventurë jashtë Shqipërisë!
Klubi i Kukësit e falënderon mbrojtësin nigerian për kontributin e dhënë me fanellën e Kukësit dhe i uron suksese në të ardhmen. Faleminderit Obi! Thank you Obi!
PANORAMASPORT.AL
NDIQE LIVE "PANORAMA TV"