ZYRTARE/ Vllaznia dhe Da Silva ndahen përfundimisht, braziliani drejt firmës me…
Nuk ka më dyshime për të ardhmen e Viktor Da Silvës!
Vllaznia dhe fantazisti brazilian kanë ndarë rrugët përfundimisht pas dy sezonesh të përshkuara së bashku.
Këtë lajm e ka bërë vetë publike klubi shkodran me anë të një komunikate në profilin e saj të rrjetit social “Facebook” ku falënderon mesfushorin për kontributin e dhënë.
Emri i 27-vjeçarit është folur te Partizani dhe me shumë mundësi e ardhmja e tij do të jetë në kryeqytet me fanellën e “demave”.
Braziliani me fanellën e Vllaznisë fitoi 2 Kupa të Shqipërisë.
Më parë, Da Silva gjithashtu është aktivizuar edhe me skuadrat e Kievos, Peskarës, Breshias, Teramos, Istras, Peruxhias, Lupa Roma, Fermana, Fano dhe Virtus Verona.
KOMUNIKATA ZYRTARE E KLUBIT TË VLLAZNISË –
“KF Vllaznia bën të ditur se ka mbyllur bashkëpunimin me futbollistin Victor Da Silva.
KF Vllaznia e falenderon për kontributin e dhënë për skuadrën tonë në këto dy vite dhe i uron suksese në karrierën e tij të mëtejshme!
Thank you Victor Da Silva!”
BRIAN KRISTO – PANORAMASPORT.AL
NDIQE LIVE "PANORAMA TV"